الخميس، 30 يوليو، 2009

عـلاقـة 2




لا يـوجـد أيّ ثــأر شـخـصـي بـيـنـي و بـيـن الـسـيـجـارة !

هـذا .. عـلـى حــدّ عـلـمـي .

كـمـا أنــّـه لا يـوجـد أيّ حـبّ مـتـبـادل .. عـلـى الأقـلّ مـن

طـرفـي أنـا , إذا كـان حـبّ مـن طـرف واحـد .. مـا بـعـرف .

بـسّ و لا مـرّة حـكـيـنـا بالـمـوضـوع , أصـلاً لا يـوجـد

أخـذ و ردّ أو تـعـاطـي بـيـنـنـا , أنـا فـقـط أتـعـاطـاهـا كـمـا

هـو واضـح , أمـّـا هـي , مـا بـتـتـعـاطـى مـعـي أبـداً .

مـش صـدفـة إنـهـا تـكـون الـسـيـجـارة " مـؤنــّـث " !

بـعـتـقـد مـش صـدفــة , لأنـه هـذا ( الـكـِـهـِـنْ ) أنـثـوي صـرف

أنـا مـا فـي أيّ علاقة بـيـني و بـيـن ( الـسـيـجـار ) مـثـلاً

و لا بـيـقـدر يــأثــّر عـا صـرمـايـتـي , و السـيجـار مـذكـّـر ..

شـايـفـة كـيـف ؟ .

فـي شـي غـلـط بـالـعـلاقة . أنـا زعـلان بـسّ مـا بـقـدر اتـرك

و امـشـي , لـيـش هـيـّي مـا بـتـزعـل و بـتـمـشي ؟ و لا مـرّة

زعـلـت , اشـتـهـيـتـهـا شـي مـرّة بـسّ , تـزعـل و تـفـلّ .

يـعـنـي إجـي هـلـّئ بـدي دخــّن و مـا اقــدر , مـثـلاً يـعـني

تكون السيجارة زعلانة و اّخـده على خـاطـرهـا , و مـا تـرضى

أبـداً مهما حـاولـت راضيها , مـا بـيـجـوز ؟ عـيـب مـثـلاً ؟ أو

قـلــّة عـقـل ؟ طـول عـمـرهـم جـمـاعة تـاء الـتـأنيـث بـيزعـلوا

و بـيـفـلــّوا .. و أحـيـانـاً من غـيـر سـبـب , وقـفـت عالسيجارة

يـعـنـي ؟ يـا خـيـّي عـالـقـلـيـلة تـحـرد .. تـحـردلـهـا كـم يــوم

مـتـلـهـا مـتـل كـلّ الـمـخـلـوقـات الـتـانـيـة , تـحـرد ..و مـنـشوف

بـعـديـن .. احـتـمـال احـفـى وراهـا حـتى راضـيها , بس المهم

يـصـدر عـنـهـا أي مـوقـف !! شـو الـقـصـّة : يـا بـروحـي

يـا بـروحـَـك يـعـنـي ؟ يـا بـتـحـرقـنـي و بـحـرقــَك يـا مـنـحـتـرق

سـوا ؟ و يـا مـَـحـلـى لـيـالـي الـهـوى ؟ يـوم الـلـّي الـتـقـيـنـا

ســوا ؟ .. قـلـيـلـة .




جـو غـانـم

...............


يـا بـيـّـاعـة خـديـنـي

هناك 4 تعليقات:

الأميرة ميرا يقول...

حلو كتير
عنجد وصف رائع
كيف بتقدر تخلق حوار مع جماد
بس حلو عند النسا و كيد النسا
و دلعهن
حلو نفل و نزعل
والاحلى انكن تراضونا
يسلموا ايديك
عالبوست الحلو

حـنــّا السكران يقول...

أهلا ميرا

المرأة بتستمتع بالزعل , منشان تستمتع أكتر وقت الصلحة .
بس السؤال الإستراتيجي هو : ليش بتزعل المرأة ...هون المعجزة .
وطبعاً ..ما فينا إلاّ ما نراضيكم ...هون الكارثة .

شكراً كتير ميرا .

الأميرة ميرا يقول...

سألت وما فيني الا جاوبك
بنزعل بس منشان الصلحة
ومعظم زعلنا بيكون بلا سبب حقيقي
بس انتو ما بتقولوا كلام حلو الا لما تصالحوا
ونحنا بنحب نسمع كلمة حلوة
لهيك بنزعل و انت تراضوا
واذا كان هالشي كارثة عندكن فهو بالنسبة النا قمة الحب

حـنــّا السكران يقول...

لا ..الكارثة انه الواحد بيطلع عا لسانه شعر و هو يقول كلام حلو كل ساعة وكل يوم ..و مع ذلك بيوعى الصبح عا زعلة ماكنة ..كيف و ليش ؟ ما حدا بيعرف .. سبحانه بملكه ..هو وحده اللي بيعرف .

11