شـو الـنـظـام .. لـو مـا فـي نـظـام .

ـــ أبـو الـعـبـد : بـتـعـرف خــيــّـي طـنــّـوس ....

ــ طـنــّـوس : لأ ..

ــ أبـو الـعـبـد : لـَـكْ روق .. روق .. يخرب ذوقـك .. خـلــّـيـنـي كـفــّـي كـلامـي .

ــ طــنــّـوس : ســوري .. ســوري يـا خــيــّـي .. تــفــضــّـل .

ــ أبــو الـعـبـد : أيــوه بــرافــو .. هـيـدي هـيـّـي .. الــســوري .. هـيـدا

مـوضـوعـنـا تـمـامـاً .

ــ طــنــّـوس : يـا خـيـّـي شـو خـصّ الـسـوري .. أنـا عـم قـلــّـك سـوري

يعني بـعـتـذر لأني قـاطـعـتـك ..

ــ أبـو الـعـبـد : طـبـعـاً خـصــّـه .. هـوّ اللي خـصــّـه .. انـت بـتـعـرف قـديش

الـنـظـام السوري عـم يـعـمـل خـيـر و عـم يـسـاهـم بـأعـمـال إنـسـانـيـّة بلبنان ؟

بـتـعـرف إنـه لـولا مـنـه .. فـي نـاس بـتـصـفــّـي بالـشـارع بـلا شـغـل بلبنان ؟

و فـي بـيـوت بـتـتـسـكــّـر ؟ بـتـعـرف ؟

ــ طـنــّـوس : لا والله .. فـهــّـمـنـي بـلـيـز .

ــ أبـو الـعـبـد : أوكـي .. خـود عـنـدك .. تـلـفـزيـون الـمـسـتـقـبـل . و قـنـاة

المستقبل الإخـبـاريـة ..و جـريـدة الـشـرق , بـتـعـرف عـدد الأشـخـاض الـلـي

بـيـشـتـغـلـوا بـهـيـدي الـمؤسـّسـات ؟ و كـم بـيـت مـفـتـوح بـسـبـبـن ؟

ــ طـنــّـوس : كـتـيـر .. مـئـات .. و يمكن اّلاف .. بس شـو خـصّ ؟

ــ أبـو الـعـبـد : يـا عـمـّي روق ... شـيـل مـصـطـلـح ( الـنـظـام الـسـوري )

مـن عـمـل هـالـمـؤسـسـات كـلـهـا .. امـنـعـه تـمـامـاً .. امـنـع ذكـره نـهـائـيـاً

بـأي بـرنـامج أو أي ريـبـورتـاج أو تـعـلـيـق أو مـقـال . شـو بـيـصـفـى عـنـدك ؟

ــ طـنـــّـوس : الـعـمـى .... مـا بـيـصـفـى غـيـر الـشـيـف رمـزي !!!

ــ أبـو الـعـبـد : الـشـيـف رمـزي ؟ لـيـش بـعـدو الشيف رمزي عم يطلع

عالمستقبل؟

ــ طـنــّـوس : بـعـتـقـد .

ــ أبـو الـعـبـد : لا .. لازم تـتـأكـّد .. كـرمـالـي .. بـكـرا بـتـشـوف حـلـقـة

و بـتـرجـع تـخـبـّـرنـي .. لأنـه إذا مـا خـاب ظـنــّـي .. صـار الـزلـمـي عـم

يـحـكـي مـع ســتّ الـبـيـت على الشكل الـتـالـي :

بـتـجـيـبـي الـدجـاجـة يا سـتــّـنـا الـمـنـاضـلـة الـحـرة الـمـسـتـقـلــّـة ..

و بــتـقــطــّـعـي أوصـالـهـا بـعـد مـا تـتـخـيــّـلـي انها النظام السوري .

بـعـديـــن بـتـضـيـفـي تلات ملاعق مـسـبـّـات لـلـنـظـام الـسـوري ..

بـعـديـن بـتـحـطـّي فـوقـن مـقـدار كـوب مـن الحجم الكبير , مليان اتـهـامـات

لـلـنـظـام الـسـوري .. و قـبـل مـا " تــولــّـعــي " تـحـت الـنـظـام

الـسـوري .. بـتـرشــّــي شـي تـحـلـيـل لـمـصـطـفـى علّوش عـن الـنـظـام

السوري فـوق طـبـخـة إسـقـاط الـنـظـام السوري .. و بـتـتـركـيـهـا

تـا تـنـضـج و تستوي على نار الـثــورة ضـد نـفـوذ النظام السوري

و بـهـالـوقـت بـتـحـضـّـري سـلـطـة الـنـظـام السوري . و هـيـدي

سـلـطـة قـمـعـيـّـة مـالـحـة مـمـكـن تـعـزمـي عـلـيـهـا شـي وحـدة

مـن جـاراتـك الـلـي بـيـأيــّـدوا الـمـعـارضـة الموالية للنظام السوري ..

و صـحـّتين , و سـوري لأنـه مـا قـدرنـا نـاخـد اتـصـالات عـالـهـوا ..

لأنـه الـهـوا و الـنــَـفــَس مـقـطـوعـيـن بسبب وجـود ريـحـة مـؤامـرة

مـن الـنـظـام السوري بـسماء مـطـبـخ التلفزيون . مـحـتـمل انـهـا

بـتـسـتـهـدف الـزمـيـل علي حمادة , لأنه اليوم طـبـَـخ حلقة رح يحكي

فيها عن تـورّط النظام السوري مـبـاشـرة بـقـضـيـة حـرمـان الـمـغـنـيـّـة

ألـيـسـا من جائزة ميوزيك مدري شـو الـعـالـمـيـة . و اللي راحـت لـنـانـسـي

عـجـرم .. كـون نـانـسـي بـتـحـبّ تـاكـل بـرازق شـامـيـّـة .. و ألـيـسـا لاّ .

و مـوعـدنـا بـكـرا .. مـع طـبـخـة بـحـص جديدة و يـخـنـة الـمـحـور السوري

الإيراني .

حــنـــّـا الـســكــران

.................................


مــطــيــّـبـاتــي بالأجـرة .. ( في صلب الموضوع ) .

.