خــط ّ وطـنـي

ـــ أبـو الـعـبـد : بـسّ الـبـنـت بصراحة صـاحـبـة مـبـدأ

يـا طـنــّـوس .. شــو بـدّك بالـحـكـي .

ــ طــنـــّوس : طـبـعـاً .. طـبـعـاً .. واضح جـداً .. سمعـت

كلامها ؟ الحقيقة .. برافـو ..

ــ أبـو الـعـبـد : أهـمّ شـي بالـحـيـاة , الـمـبـدأ يـا طـنـّـوس , شـو

الإنسان بـلا مـبـدأ ؟ و لا شـي ؟ سمعت كيف صارت تـهـاجـم

الـوراثـة السياسية ؟ و إنـهـا ضـدّها بشكل قاطع وواضح و صريح ؟

و هـيـدا شي قـديـم بالـعـيـلـة و مـتـوارث . يـعـنـي جـدّها لـمـا

تـوفـى أبـوه اللي كان وزيـر و نـائـب بالبرلمان , طـلـع الزلمي

و قـال إنه هـو ضـد الوراثة السياسية و انه هـيـدا مـبـدأ مـا بـيـحـيـد

عـنـه بـتـاتـاً , بـسّ هو مـضـطـر يـاخـد مـطـرح أبوه بالوزارة

و بالبرلمان , لأنـه ( هـالـخـط الـوطني ) اللي كان ماشي عليه

أبوه , لازم يستمر , و ما حدا غيره قادر يقوم بهالمهمة على

أكمل وجه , و لما جـدهـا تـفـركـش و هـو مـاشـي عـالـخـط

الـوطـنـي الـسـريـع ـ لأنـّه هـاي واي متل ما بتعرف ــ , طلع أبوها

و قال نفس الكلمتين , و أصـرّ إصرار عجيب انه ضد الوراثة

السياسية , بس الزلمي وضـّح انه مضطر .. منشان ( الـخـط الوطني )

يستمر و ما يـتـحـفــّـر و ينقرض , و هـلــّئ بعد ما أبوها تـوفــّـى الله

يـرحـمـه و يـرحمنا أجمعين , الـبـنـت مـشـت عـالـمـبـدأ ذاتـه , و بـدهـا


تـاخـد مـطـرح أبـوهـا , مع العلم انـها عـبـّـرت بشكل تام و لا يـدعـو

لأي لـبس انــّـهـا ضـد الوراثـة السياسية .

ــ طــنــّوس : أكـيـد و قـطـعـاً ضـدّها , الشغلة شـغـلـة مـبـدأ .

هيّ مـتـرشــّحة منشان الخط الوطني فقط .. ضـيـعـانـه , حـرام ينمحي .

و مـا حـدا بالـبـلـد بـيـعـرف يـمـشـي عـلـى هـالـخـط غير حـدا مـن

الـعـيـلـة , لأنـه حـافـظـيـن الـطـريـق , بـيمشوه عالعمياني , أيّ مواطن

تـانـي بـيـجـرّب يمشي عليه , مـمـكـن يعـمل حـادث مـروّع . و يـسـبـّب

خـسـائـر فـادحـة لـلـوطـن و أرصـفـة الـوطـن .

ــ أبـو الـعـبـد : و كـمـان , قـال الـبـلـد مـحـتـاج ( وجـوه شـابــّـة ) .

و لـو انـه الجوهر و ( الـلـبّ ) هـو ذاتـه , بس نـحـنـا هـلــّـئ بعصر

الـصـورة , و الـمـظـهـر الـخـارجـي الجديد أهـمّ مـن الأفـكـار الـجـديدة .

الخط الوطني بـيكون هو التراث الباقي, مـتـل العتابا و الميجانا و القرّادة .

و مـتـل مـا بـتـعـرف , فـي جمعيات للحفاظ على الـتـراث الـوطـنـي

الـفـنــّـي و السياسي و ( الـبـرلـمـانـي الـوزاري ) تـحـديـداً .

و الأهمّ من هيدا كـلـّـه هيّ أكــّـدت إنـهـا ضـدّ ( الـوجـود الـسوغـي )

و ضد أيّ عـلاقات مع سـوغـيـّـا بـأيّ شـكـل كـان , حـتـى تـخـرج

سـوغـيـّـا من لبنان, و يـحـلـفـوا السوغـيـين يميـن عظيم انهم خرجوا . لأنه

هـي مش شايفة انهم خرجوا .. بـيـتـهـيـّألـكـم انهم خرجوا .

ــ طــنــّـوس : و ضــد الـوجـود الـتـغـكـي الـعـثـمـانـي كـمـان

ــ أبـو العبد : طـبـعـاً .. لأنــّـه هـالـخـط الـوطـنـي بـعـدو ماشي عـالـزفـت

الـلـي فـرشـه جـدّهـا إيـام العثمانيين , و رقــّــعـه إيـام الـوجـود

الـسـوري , و هـيـدا غـيـر ( الـخـط الـعـسـكـري ) الـلـي كـانت

دوالـيـب سيارات جـدّهـا الـتـانـي ( من أمها ) و خـالـهـا كـمـان

تـاكـل مـنـه شـقـف و هـي طـالـعـة نـازلـة عـالشـام .

ــ طــنــّـوس : الـمـهـمّ الـمـبـدأ ..

ــ أبـو الـعـبـد : أكـيـد , و لا جـدال ... بالمناسبة , انـت شـو مـبـدأك

يـا طـنـّـوس ؟

ـــ طـنــّـوس : ( زحـلـة بـلـدنـا و الـعــَـرق مـشـروبـنـا ) .

ــ أبـو الـعـبـد : بـس هـيـدي غـنـيـّـة ؟

ــ طــنــّـوس : و لـو كـان .. الـمـهـمّ انـهـا تـراث , و أنـا

بـعـتـبـرهـا جـزء مـن خــط ّ وطـنـي ورثــتـه عـن بـيـّـي

و جـدّي .

جــو غـانـم