ــ الـجـمـع الـكـريـم
ــ أيّ جـمـع كــريـم ؟
ــ الـلـي حـضـر الـجـنـازة
ــ كـيـف صـارت هـيـدي بـقـى ؟
ــ لأنـه كـل واحـد مـنـهـم بـيـكـون عـم يـتـطـلــّع بالـتـانـي و يـقـول بـقـلـبـه :
والله مـا حـدا قـتـلـه غـيـر انـت و جـمـاعـتـك يـا أخـو الـشـلـيـتـه .
و بـس يـمـسـك الـمـايـكـريـفـون حـتـّى يــأبــّن الـمـرحـوم .. بـيـقـول :
( إنّ قـوى الـظـلام الـتـي لا تــريـد لـلـبـنـانـيـيـن الإلـتـقـاء و الـتـاّخـي و الـعـيـش
الـمـشـتـرك .. الـقـوى الـمـتـضـرّرة مـن الـمـصـالـحـات الـجـاريـة بـيـن أبـنـاء
الـوطـن .. هـي الـتـي قـتـلـت الـشـهـيـد الـعـريـضـي ) .و الـجـمـع الـكـريـم يــبـدأ
الـتـصـفـيـق و يــردّد .. اّمـيـن ... وراء الـمـتـحـدّث أيــّاً كــان .
ــ و مـيـن هـيّ دخـلــَـك الـقـوى الـظـلامـيـّـة و الـمـتـضـررة مـن هـالـمـصـالـحـات
و الأجـواء الأخـويــّـة ؟
ــ هـي نـفـس الـقـوى الـتـي أمـسـكـت الـمـايـكـريـفـون و عـدّدت مـنـاقـب
الـشـهـيـد .بـذاتـهـا .. و بـعـيـنـهـا .. و بـعـظـمـهـا ..( لأنـه مـا فـيـهـا
شـحـم و لـحـم ) .
ــ هـيـك قــَـولــك ؟
ــ هـيـك بـيـقـول الـتــاريـخ .... إن حـكــى .
جـو غـانـم
هناك 15 تعليقًا:
ياسلام عليك
هههههههههههههه
عندك طريقة ساحرة في توصيل اي فكرة تحب توصلها
حلوة حكاية الجمع الكريم دي
هههههههههههههههههه
بس فعلا كل واحد بيتم اغتياله تلاقي الكل بيابنه ويبكيه وينوح عليه ولاتستبعد انه مشارك في التخطيط لقتله
امر مرعب صراحة
هههههه
أهلا يا دكتورة
أنا لو كنت قاضي تحقيق في جرائم سياسية بلبنان .. كنت بلقي القبض على أول واحد بيعزّي بالقتيل من خارج أهله و جماعته ..لأنه على الأغلب ..بيكون له علاقة بالموضوع .
و خصوصا بقى إذا ألقى خطاب تأبين و انبحّ صوته و هو بالأساس ما حدا عازمه ..إجى لوحده في مبادرة انسانية وطنية على أساس ..
يسعد صباحك يا بيلا .
التاريخ يحكي ويقص
وينطق ويتكلم
يحرك شفتيه بمنتهى السلاسة
ولكننا صرنا عميانا قلبا وبصرا
في المرة القادمة قد يحرك التاريخ أصابعه
قولك ممكن يصير يحكي بالومى يا صديقي؟؟
بس بدّك لبيب من الإشارة يفهم .. وين اللبيب يا حسرتي ...على رأيك .. التاريخ تبعنا طلع على لسانه شـَـعـر و هو يحكي و الناس صمّ بكمٌ ..
صباح الفل يا عم تشي ..
طيب وشو بيقول القاتل ان حكى
;p
القاتل شو ما حكى يا نوارة ..لازم تاني يوم يطلع بيان من المكتب الاعلامي للحزب تبعه .. بتوضيح كلامه ..لانه القاتل دائما بيحكي سنسكريتي .
ما لاحظتي انه كل ما صرّح تصريح او ألقى خطاب ..تاني يوم بيصدر توضيح عن المكتب الاعلامي و شرح جديد لكلامه ؟
مثلاً ..ممكن يقول ( على سبيل المثال) :
إن العدو الرابض في الشام و الذي يريد تدمير لبنان هو العدو الحقيقي للبنان .
طبعا انت بطيبة قلبك و سذاجتك و عدم فهلويتك اللغوية ..بتفكّري انه يقصد سورياو النظام السوري ..لااااا ..التوضيح بيطلع تاني يوم على الشكل التالي :
إن الزعيم التاريخي قصد بقوله ( الشام ) أي سوريا الطبيعية ..التي تشمل فلسطين أيضا ..و اسرائيل كما هو معروف ..موجودة على ارض فلسطين ..لذلك ان الشام هنا تعني فلسطين و بالتالي العدو يعني اسرائيل ..الموجود في احدى بقاع بلاد الشام .
هكذا يحكي القاتل ..و يا ويلك و يا سواد ليلك إذا ما بتصدّقي التوضيح ..بتكوني ما بتفهمي و بتكوني من القوى المتضررة من السلم الاهلي و العيش المشترك .
اسمعي مثلا هالخطاب اللي بيقوله ..و هيدا مش على سبيل المثال ..هيدا حقيقة و بيقوله كله بيوم واحد :
إننا نريد العودة الى اتفاقية الهدنة مع اسرائيل . والهدنة تعني حالة حرب دائمة و ليست حالة سلم .و ان اسرائيل ليست عدوة للبنان ..لكننا يجب ألا ننسى الهمّ القومي و القضية الفلسطينية و يجب الوقوف في وجه هذا العدو الاسرائيلي الذي يمثّل سرطانا في هذه المنطقة .و ان سلاح حزب الله هو سلاح الغدر ..لكننا يجب ان نحافظ على المقاومة و ان نحتضن هذا السلاح الذي حرّر الجنوب . و يجب ان لا يستمر هذا السلاح فهو لتخويف الناس ..الناس الذين يريدون لهذا السلاح ان يستمر و ان يكون كما نعرفه ضمانة وطنية . و ان النظام السوري هو من يقوم بالقتل في بيروت و هو نظام صامد قومي لولاه لكان لبنان في حضن اسرائيل و لولاه لسقط الجبل في ايدي عملاء اسرائيل .و يا بيروت بدنا التار ..من لحود و من بشار ..و تصبحوا على خير و بشوفكم مبارح أو أول مبارح ..
هيك بيحكي القاتل ..بس مش الحق عليه ابدا ..الحق على يلّي عم يزقـّفوا ورا كل كلمة بيقولها و اذا سألتيهم فهمتوا شي؟ بيقولولك ..بكرا بيطلع التوضيح من المكتب الاعلامي .. هؤلاء هم السبب في استمرار القتلة حتى أبد الابدين ..اّمين .
مرحبا ، انا احب بل.
فقط أكتب ما يمكن ان يترجم.
أ الحضنه من البرتغال
Hello, I like this blog.
Sorry not write more, but my English is not good.
A hug from Portugal
السلام على حنا السكران ومن يحبه
كلام منطقي مليون بالمية
والتاريخ بيعلمنا إنهم
يقتلوا القتيل ويمشوا في جنازته
مش مهم
المهم إن التاريخ علمنا حاجة تانية
هي إن الباطل بيفضل مخيم
بس بييجي الوقت اللي ينكشف فيه
الحق والحقيقة
ودولة الظلم ساعة ودولة الحق الف ساعة
ربنا ينجي لبنان من أعدائه
تحياتي لك يا سكران
آدم
فيروزيٌّ كبير
عم جو :
رجلى تعبتنى من المرواح والمجى على المدونة فى اتظار جديدك . فين الجديد يا عمنا وحشتنا دماغك وحبيت اطمن عليك يا ريت تطمنا باستمرار.
كيفك جو
وكيف احوالك
انت لسه ما فقدت الامل بعد ؟؟
دة مش اخر اغتيال ومش هيكون الاخير
وبرضه زيه زى اللى قبله وزى اللى هيحصل بعدة لن يتم القبض على احد ولا التحقيق مع احد ولا حساب اى شخص
لأن وزى ما انت عارف يا اخويا جو
محدش يقدر يحارب قوى الظلام
ليييييييه
عشان بتبقى عتمه وضلمه اوى وصعب ان حد يشوفها
تحياتى ليك
anastacio
thanx alot for ur kind words
اّدم
عليك السلام .. كلامك جميل و منطقي كمان ..و شكرا لمشاركتنا به.
تحياتي يا فيروزي يا ذوق .
عمّ هاني ..
يسعدلي هالصباح الحلو
و سلامة رجليك يا باشا ..
والله يا هاني ..أنا عايز أكتب كل ساعة ..لأني عندي كتير كتير عايز أقوله و ما بيخاص .. لكن حاسس بضيق غريب هالإيام ..مش قادر أركّز على حاجة معينة ..أحيانا بقول كلام صغير جدا و بكون مرتاح لأني قلته ..و أحيانا بكون عاجز عن الترجمة الفورية لما يعتريني ,, ة هذا شيء كان نادر الحدوث لكن بالسنة الأخيرة صار عم يتكرر كتير ..خايف أكون فقدت الأمل بأي حاجة .. و من هنا ندخل لتعليق الأخت كناري .
ألف شكر على سؤالك يا هاني .. طبعا بيعنيلي كتير ..
أهلا كناري
أنا بخير .. انت كيفك؟
الأمل دايما موجود يا كناري .. و اليأس دايما كمان بيقدر يتسلل و يحتلّني براً و بحراً و جوّاً ..لكن معظم الأحيان بقدر أتغلب عليه بسرعة و أحيان أخرى بيطوّل .. متل هالإيام يعني .
المصيبة يا كناري انه الحقائق واضحة ..لكن مين عايز يعرف أو يلتفت أو يهتم انه يدافع الحقيقة و يغيّر الواقع المفروض.. من هنا بيدخل اليأس غالبا .. من سكوت الناس .. أو سكوتنا ..بلاش نتكلم عن الناس وكأننا مختلفين كتير عنهم .. كلنا مسؤولين .. ما في حدا مننا بريء من هذا الصمت المدوّي ..
ألف شكر يا كناري .. و تحياتي لك .
تصدق يا جو من ساعة ما قلتلى انك قربت تفقد الامل وانا حسيت بضيق كبير قوى ليه بقى ؟ لانى اصلا ما كانش عندى امل عشان افقده بس كنت بافرح بالناس اللى زيك اللى لسة عندهم امل واقول لو انت زهقت لسة فى ناس بتحلم تطلع انت كمان قربت تفقده. انا ازعل بقى بس عايز اقولك حاجة انا عارف ان دماغك كبيرة ومش لازم كل الموضوعات اللى تبقى هنا موضوعات قومية وتشيل نفسك هموم ماحدش يقدر عليها ممكن برضه تبقى موضوعات حياتية من باب التغيير حتى لان الناس شبعت مشاكل وهموم وما بقاش ليها نفس تدور على حلول حتى للمشاكل دى لانى متاكد انك كاتب ذو ثقافة وفكر وموهبة واكيد اى موضوع هتتناوله هيفيدنا كلنا وده الهدف من التدوين بجد وحشتنا وربنا يطمنا عليك .
إرسال تعليق