وجـود

ــ بـتـعـرفـي .. حـاسـس حـالـي دايـخ تـمـامـاً

ــ قــصـدك هـلـّئ بـهـالـلـحـظـة ؟ أو دايـخ مـن زمـان , خـلـقـة

ربـّـنـا يـعـنـي ؟

ــ لا ..لا .. عـم بـحـكـي عـن الـحـالـة الـراهـنـة بهاللحظة .

ــ عـم يـوجـعـك شـي ؟ راسـك مـثـلاً ؟ جـوعـان ؟ عـطـشـان ؟ .

ــ لا .. مـا فـي شي مـن هـيـدا كـلـّـه .

ــ لـكـان مـن شـو دايـخ ؟ شـو الـسـبـب يـعـنـي ؟

ــ مـا بـعـرف .. و هـيـدا الـلـّـي عـم يــدوّخـنـي أكـتـر .

ــ إي بـس مـش مـعـقـول , حـدا بـيـدوخ بـلا سـبـب ؟

ــ بـتـعـرفـي .. الـوجـود بـالـحـيـاة بـحـدّ ذاتـه شـي بـيـدوّخ . شـي

بـيـسـطـل .. لـمـّا بـتـشـعـري بالـعـبـث , بـاللاشيء , بـعـدم الجدوى .

لما بـتـوقـفـي عالشـعـرة الـلـي بـتـفـصـل بـيـن الوجود و عـدمه

و مـا بـتـعـرفـي انـت ِ ويـن تـحـديـداً , هـالـشـعـور بـيـدوّخ أكـتـر

مـن كـتـب الـفـلـسـفـة كـلـّـهـا . يـعـنـي انـسـي " ديـكـارت " والـشـكّ

والـتـفـكـيـر بلا طـعـمة لإثـبـات الـوجـود . اتـركيهم عـلـى جـنـب

و اتـطـلـّـعـي فـيـّـي . ركـّزي فـيـّي مـنـيـح مـن دون مـا تـفـكـّـري

بـشي , و انـت عـم تـتـطـلـّـعي فـيـّي , شـيـلـيـنـي مـن الـصـورة

اعـتـبـريـنـي لـلـحـظـة مـش مـوجـود , أو فـي حـدا تـانـي مـكـانـي

تـخـيـّلـي مـثـلاً واحـد اسـمـه " عـتـريـس " هـو الـلـي قـاعـد قـدّامـك

هـلـّـئ و انـت بـتـحـبـّـيـه مـن زمـان , و ارجـعـي شـيـلـي عـتـريـس

مـن الصورة و شـوفـيـنـي أنـا , مش نـفـس الـشي ؟ أنـا أو عـتـريـس

مـا فـرقـت هـالـحـيـاة بـنـكـلـة .

ــ إي بـس أنـا بـحـبـّـك انـت . شـو خـصـّـنـي بـعـتـريـس أو غيره ؟

ــ هـلـّـئ انـت بـتـحـبـيـنـي أنـا , بـعـرف , بـس لـو أنـا مـا كـنـت

مـوجـود أبداً ونـهـائـيـاً , كـانـت حـيـاتـك تـحـطـّـمـت يـعـنـي ؟ كـان

احـتـمـال تـلـتـقـي بـعـتـريـس و تـحـبـّـيـه , شـو انـت حـبـّـيـتـيـنـي

لانـي عـامـل فـرق كـبـيـر بالـحـيـاة الـبـشـريـة يـعـنـي ؟ الـتـقـيـنـا

و انـعـجـبـنـا و حـبـّـيـنـا . مـا فـي أيّ شـي اسـتـثـنـائـي .

ــ مـا بـعـرف لـويـن بـدّك تـوصـل .. دوّخـتـنـي .

ــ دخـتـي حـيـاتـي ؟

ــ حـاسـّـة حـالـي عـم دوخ إي .

ــ إي قــرّبـي شـوية لـعـنـدي بـلـيـز .

ــ لـيـش ؟ .

ــ مـنـشـان إذا دخـتـي عـالاّخـر و فـقـدتـي تـوازنـك , تـوقـعـي

بـحـضـنـي . بـلـكـي بـيـكـون هـالـشي إثـبـات وجـود لإلـنـا نـحـنـا

الـتـنـيـن .

ــ طـيـب لازم دوخ تـا اوقـع بـحـضـنـك و نـثـبـت الـحـالـة الـوجـوديـة

يـعـنـي ؟ قـبـل سـاعـة كـنـت بـحـضـنـك و مـع ذلـك حـضـرتـك دخـت

مـن ورا جـدوى الـوجـود و عـدمـه .

ــ لا .. هـيـدا شـي تـانـي , وجـودك بـحـضـنـي مـع سـبـق الإصـرار

شـي تـانـي تـمـامـاً . بـدنـا إثـبـات مـن اللاوعـي , قـلـتـلـك اتـركـيـلـي

ديـكـارت عَ جـنـب . شـو الـلـّي مـدوّخـنـي أنـا لـكـان ؟ كـنـت حـفـظـت

كـام صـفـحـة مـن كـتـاب ديـكـارت و انـتـهـيـنـا .

جـو غـانـم

7 \ 8 \ 2009

* * *

كـان غـيـر شـكـل الـزيـتـون